Англија | Михаел Лаудруп доби отказ од Свонси по лошата серија резултати со која тимот дојде на само два бода до зоната за испаѓање...



Свонси е далеку од формата која ја прикажуваше во текот на минатата сезона, тимот предводен од Лаудруп дојде блиску до опасната зона.

Очекувањата на раководството се поголеми, па на Михаел Лаудруп синоќа му беше врачен отказ.

„Свонси и менаџерот Михаел Лаудруп се разделија" - стои во соопштението на клубот.

„(Дефанзивецот и капитен) Гери Монк ќе го предводи тимот заедно со тренерот Алан Куртис додека не најдеме трајно решение".

„Клубот нема да има дополнителни коментари во овој период, но ќе ги информира навивачите кога ќе има било каква промена".

Свонси во моментов е на 12. место на табелата, но ситуацијата во Премиер лигата е таква, да тимот е на само два бода од опасната зона.

Свонси победи само еднаш на последните 10 натпревари во Премиер лигата.

Извор: 24FUDBAL.com.mk