Англија | Мануел Пелегрини е разочаран по поразот од Челзи од кој го доживеа првиот пораз на домашен терен во Премиер лигата...



По доаѓањето во Манчестер Сити, Пелегрини редеше само победи на домашен терен во Премиер лигата, 11 од 11, но синоќа дојде крајот на убавата серија, загубија од Челзи.
 
Сити имаше 25 шута, но само три во рамките од голот, Челзи се обиде 18 пати, но беше далеку поопасен, три пати ја погоди стативата.
 
„Имавме чисти шанси, можевме да постигнеме најмалку два гола, но тие два - три пати ја погодија стативата" - вели Пелегрини.
 
„Натпреварот беше многу изедначен, не е лесно да се игра против Челзи без Агуеро и Фернандињо".
 
„Важно е да се знае дека ни недостасуваа тие двајца, плус Насри и Хави Гарсија. Требаше да го менуваме средниот ред".
 
„Ова беше важен натпревар, но продолжуваме понтаму, ќе видиме што ќе се случи. Имаме само два бода зад Арсенал".

Извор: 24FUDBAL.com.mk