МЕНИ

Англија | Жозе Мурињо вели дека не тој, туку Били, масерот на тимот го одржал мотивациониот говор пред натпреварот против Манчестер Сити...

Челзи синоќа го надигра Манчестер Сити на негов терен, Жозе Мурињо уште еднаш потсети зошто е еден од најдобрите тренери во светот.

По натпреварот Мурињо беше запрашан што им кажал на фудбалерите пред натпреварот, од што се состоел мотивациониот говор.

„Не им кажав ништо, сериозно! Били масерот беше тој кој им се обрати" - вели Мурињо.

„Тој се дереше многу со неговиот шкотски акцент, нешто гррр, гррр, гррр, не знам што им кажа, но се чини дека фудбалерите го сфатија".

„Последен пат со нив зборував за време на ручекот. Ви кажувам, мотивациониот говор го одржа Били масерот".

„Били беше фантастичен, ништо не го разбрав, но фудбалерите го разбраа".

Челзи и Манчестер Сити имаат по 53 бода, пред нив е Арсенал со 55. Мурињо смета дека Топџиите се главниот фаворит за титулата.

„Можеби Арсенал го заслужува трофејот повеќе од нас. Тие се на врвот во лигата и тие се фаворити. Ние зме зад нив, играме и следиме што ќе направат другите".

„Напред се два коња и едно малo коњче (Челзи) на кое сеуште му треба млеко, и треба да научи како да скока. Коњ кој следната сезона ќе биде во трката".