Англија | Менаџерот на Кардиф, Оле Гунар Солскјер верува дека Вилфред Заха има потенцијал да биде новиот Роналдо...
Заха во Манчестер Јунајтед потпиша како голем талент, но во првиот дел од сезоната имаше само три настапи, по што беше даден на позајмица во Кардиф.
21-годишниот фудбалер импресионираше на своето деби за Кардиф, му помогна на својот тим да го совлада Норич со 2-1 и да освои три важни бода во битката за опстанок.
Солскјер е полн со пофалби за Заха и смета дека со напорна работа тој може да до достигне нивото на најдобриот фудбалер на светот.
„Тој е еден од најдобрите со топка кои сум ги видел" - вели Солскјер.
„Има брза нога и храброст како Роналдо и сака да оди напред".
„Но треба да донесе одлука колку добар сака да биде и колку многу ја сака оваа игра. Може да се развие и да биде како Роналдо ако сака".
„Не сум видел некој да работи повеќе од Роналдо. Пред тренингот, после тренингот, тој е исклучително посветен на фудбалот и на сите им докажа што може да се случи доколку комплетно му се посветите на нешто".
„Не се плашам да ги употребувам како примери Сер Алекс Фергусон и Кристијано, бидејќи за да го извадите најдоброто од вашиот талент, треба да бидете посветени".
Извор: 24FUDBAL.com.mk
