МЕНИ

Италија | Јувентус уште еднаш ја презентираше својата доминација во Италија, овој пат лесно со 3-1 го совлада својот ривал, тимот на Интер...

Како ретко кога во Дербито на Италија, разликата во квалитет помеѓу Јувентус и Интер беше голема.

Токму таква беше и сликата на теренот во Торино каде што Јувентус со 3-1 го победи Интер.

Резултатот беше отворен по 15. минути игра кога по асистенција од Пирло, Лихштајнер постигна убав гол со глава за водство на Јуве од 1-0.

По две минути игра во вториот дел, Киелини зголеми на 2-0, а Видал во 55. беше стрелец на третиот гол за Јувентус.

До крајот на натпреварот Интер преку Роландо успеа само да го ублажи поразот.

Вистински дебакл доживеа Наполи на гостувањето кај Аталанта каде што загуби со 3-0.

Потопот дојде во второто полувреме, Денис беше стрелец на два гола, еден постигна Моралез.

И Горан Пандев беше дел од срамниот пораз на Наполитанците, по подолго време Македонецот ги одигра сите 90 минути.

Поради силен дожд, дуелот помеѓу Рома и Парма беше прекинат неколку минути по стартот.

Во останатите вчерашни натпревари, Катанија и Ливорно одиграа 3-3, Лацио со 2-0 победи на гостувањето кај Киево, гостинска победа забележа и Верона кај Сасуоло славејќи со 2-1.