Шпанија | Чаби Алонсо смета дека Кристијано Роналдо погрешил со својата реакција, но според него не заслужил црвен картон...



Реал Мадрид синоќа одигра 1-1 на жешкото гостување кај Атлетик Билбао, покрај двата гола, во центарот на вниманието се најде и црвениот картон на Кристијано Роналдо.
 
Роналдо наседна на провокација од Карлос Гурпеги го удри и заработи црвен картон, потоа влезе во конфронтација и со Итураспе.
 
Чаби Алонсо смета дека судијата ја донел одлуката под притисок од фановите на Билбао, но не го оправдува ниту потегот на Роналдо.
 
„Кристијано не требаше да го направи тоа што го направи, но не беше за исклучување" - изјави Алонсо.
 
„Тоа не беше некоја агресија, картонот е престрого доделен, Гурпеги е најзаслужен за тоа".
 
„Публиката имаше влијание на одлуките на судијата. Тоа секогаш се случува, не е ништо ново".
 
Алонсо очекува интересен финиш на сезоната во Примера.
 
„Има уште многу бодови во игра, ќе биде многу интересно она што ќе се случува до крајот на сезоната".
 
„Не треба да ги гледаме другите тимови, нашата судбина е во наши раце".

Извор: 24FUDBAL.com.mk