Англија | ’Сините’ го потврдија трансферот на Курт Зума од Сент Етјен, дефанзивецот стави потпис на пет ипол годишен договор...



Како што се очекуваше, репрезентативецот на ’Триколорите’ до 21 година потпиша за тимот од Стемфорд Бриџ.
 
19 годишниот Курт Зума важи за еден од најнадежните централни дефанзивци во Европа, и го привлече вниманието на голем број клубови.
 
Сепак, Челзи беше најконкретен и успеа да стигне до услугите на Французинот.
 
’Сините’ ќе го остават играчот во Сент Етјен на позајмица до крајот на сезоната, па Жозе Мурињо ќе може да смета на неговите услуги за сезоната 2014/15.
 
„Челзи денеска го ангажираше Курт Зума од Сент Етјен. Тој ќе остане во клубот од Франција на позајмица до крајот на сезоната” – гласеше известувањето на тимот од Стемфорд Бриџ.
 
„19 годишниот централен дефанзивец со Челзи стави потпис на пет ипол годишен договор”.
 
Според медиумите, ’Сините’ ќе платат 15 милиони евра за услугите Курт Зума.

Извор: 24FUDBAL.com.mk