МЕНИ

Германија | Во заостанатиот натпревар од 17. коло од Бундеслигата, тимот на Штутгарт го пречека актуелниот шампион Баерн Минхен, каде што гостите успеаа да направат целосен пресврт во драматичниот финиш...

Тимот на Штутгарт го пречека Баерн Минхен во заостанатиот натпревар од 17. коло од Бундеслигата на Мерцедес-Бенц Арената каде што двата тима приредија вистинско шоу за љубителите на добриот фудбал.

Баерн овој меч до дочека на првата позиција со убедлива предност од 10 поени, пред второпласираниот Леверкузен и дури 14 поени предност пред двете Борусии, додека Штутгарт се бори за излез во горниот дел од табелата.

Немајќи што да загубат играчите на Штутгарт опуштено и смирено се спротивставија на Баерн. Ведад Ибишевиќ го отвори резултатот на овој натпревар во 29 минута по еден гол од сомнителна офсајд ситуација.

По примениот гол, Баерн беше само бледа сенка од тимот кој што лани доминираше во Европа и се мачеше да направи квалитетна прилика се до 75. минута.

Клаудио Пизаро беше човекот кој го врати духот во тимот на Гвардиола, кој на само 14 минути пред крајот го изедначи резултатот, по еден центаршут од Тиаго Алкантара.

А токму Тиаго беше човекот спас за Баерн кој во последната минута од судиското надополнување погоди со ножечки и му донесе нова победа на Баерн.

Гвардиола по заршувањето на мечот призна дека неговиот тим не играше како што треба и дека на среќа стигнале до победата.

„На крајот бевме многу среќни, тоа беше одличен гол и неверојатна победа“ изјави тој.