Италија | Адел Тарабт утрово пристигна во Милано, репрезентативецот на Мароко е среќен што ќе го носи ’Црвено-црниот’ дрес...



’Росоњерите’ и КПР на почетокот од оваа недела постигнаа согласност за позајмица на офанзивниот фудбалер од средниот ред до крајот на сезоната.
 
Адел Тарабт утрово пристигна во Милано, во текот на денот треба да ги помине редовните лекарски прегледи и да стави потпис на договорот.
 
Во разговор со ТВ каналот на Милан, репрезентативецот на Мароко изјави дека е среќен што се сели на Сан Сиро и ќе игра за еден од најголемите клубови во светот.
 
„Чест ми е што ќе можам да играм во најдобриот клуб во светот” – рече Тарабт. „Разговарав со Сидорф, и двајцата сме среќни”.
 
„Јас сум офанзивен фудбалер, сакам да играм зад напаѓачите”.
 
„Не го знам лично Балотели, но знам за каков фудбалер се работи и заволен сум што ќе играм со него”.

Извор: 24FUDBAL.com.mk