Англија | Жозе Мурињо верува дека Еден Азар има потенцијал да го достигне нивото на Лионел Меси и Кристијано Роналдо...
Азар игра одлично во дресот на Челзи откако во 2012 пристигна од Лил, особено е импресивен по доаѓањето на Жозе Мурињо.
Лионел Меси и Кристијано Роналдо доминираат во изминатите години, но Мурињо верува дека Азар може да го стигне нивото на двајцата најдобри фудбалери.
„Да, тој може да го достигне тоа ниво. Бидејќи неговиот развој е одличен" - смета Мурињо.
„Мислам дека поради позициите на кои играат, Роналдо и Меси постигнуваат многу голови, нешто што не е случај со Азар".
„Не се работи само за квалитетот, бројот на постигнати голови ве прави уште поспецијален во очите на луѓето".
„Азар е крило, класично крило. Добро, му даваме слобода да се движи и на другите делови од теренот, но тој е офанзивно крило".
„Мислам дека е невозможно Азар да биде најдобар стрелец во лигата. Нормално, тоа влијае на судот кој го даваат луѓето. Но може да биде човек на одлука на натпреварите, фудбалер кој ќе игра на фантастично во текот на целата сезона, без повреди, Меси и Роналдо почнуваат и завршуваат на највисоко ниво, тоа се фудбалери со голема стабилност во нивните перформанси".
„Но доколку сака да ја освои Златната Топка, треба да обезбеди поддршка за тоа. Без подршка и политика, не може да ја освои Златната Топка, тоа е друга приказна".
„Доколку сака да биде голем, голем фудбалер, да го достигне нивото на Кристијано и Меси, има простор да го направи тоа, има 23 години, Роналдо има 28 или 29, Меси има 26 или 27... сеуште се млади, но четири-пет години постари од Азар".
„Па има простор за напредок. Мислам дека има голема амбиција".
Претходно и самиот Азар изјави дека неговата цел е да биде најдобар.
„Се разбира, сакам да бидам најдобар во светот" - изјави Азар.
„Претходно фудбалот за мене беше само игра, не ми беше грижа за тоа што зборуваат луѓето. Но откако дојдов во Челзи, станав свесен за моите квалитети. Претходно знаев дека сум добар фудбалер, но не дека сум еден од подобрите во светот".
„Сега знам дека можам да се натпреварувам со Меси и Роналдо во блиска иднина, доколку вложам напор за тоа да се случи".
„Не знам дали некогаш ќе го достигнам нивното ниво, тоа ќе биде тешко, нивните статистики се неверојатни, но го прифаќам предизвикот".
Извор: 24FUDBAL.com.mk
