Италија | Адриано Галијани пренесе дека ’Росоњерите’ го одбиле барањето на Сасуоло за Пипо Инзаги да го превзеде тренерското столче на ’Црно-зелините’...
Легендата на Милан во моментов е предводник на Примавера тимот, и во еден момент се говореше дека Пипо Изаги ќе го наследи Масимо Алегри и на привремена основа ќе го превзеде кормилото на првиот тим.
Ваквите стории на крајот се покажаа како неточни, бидејќи Кларенс Сидорф ја прекина соработката со Ботафого и уште овој месец седна на жешкото столеч на Сан Сиро, а не по крајот на сезоната како што често беше најавувано.
На Пипо Инзаги сепак му се укажа нова шанса да предводи тим од Серија А, оваа недела интерес за неговите услуги пројави Сасуоло.
Но најверојатно тој ќе продолжи да работи со младинскиот тим на Милан, ’Росоњерите’ не сакаат да се разделат со поранешниот напаѓач.
„Сасуоло праша дали може да го добие Пипо, но ние одговоривме негативно” – рече потпретседателот на Милан, Адриано Галијани.
„Разговарав утрово со Инзаги, не можеме да му дозволиме да замине, одлично си ја врши работата со Примавера тимот”.
„Тој е легенда на Милан, има договор до 2016 и не може да замине”.
„Жал ми е што моравме негативно да му одговориме на претседателот на Сасуоло, кој е голем фан на Милан и наш пријател”.
Извор: 24FUDBAL.com.mk
