МЕНИ

Германија | Трансфер целта на Манчестер Јунајтед, Тони Крос вели дека не знае каква ќе биде неговата иднина и сите опции остануваат отворени...

Репрезентативецот на Германија е обврзан кон Баерн Минхен до 2015, ’Баварците’ се обидуваат да го продолжат неговиот договор, но играчот ја одби последната понуда.

Иднината на Тони Крос на Алианц Арена е под знак прашалник, и неколку клубови се обидуваат да ја искористат ваквата ситуација.

Минатата недела, менаџерот на Манчестер Јунајтед, Дејвид Мојс го следеше дуелот помеѓу Борусија Менхенгладбах и Баерн Минхен, а покрај него во ложата седеше близок човек на агентот на Тони Крос.

Па затоа веднаш се појавија стории кои велеа дека 24 годишниот фудбалер од средниот ред е трансфер цел на ’Црвените Ѓаволи’.

Самиот Тони Крос не ги коментира ваквите шпекулации, но признава дека сите опции се отворени.

„Во моментов не отфрлам ниту една опција” – рече Крос за Kicker.

„Под договор сум со Баерн Минхен. Во моментов на агендата нема нови преговори, па затоа ќе се фокусирам само на вториот дел од сезоната”.

„Играм за топ клуб, под водство на топ тренер. Задоволен сум, и во некој подоцнежен период ќе донесам одлука”.