Претседателот на ФИФА вели дека тој нема да дозволи влез на видео технологија во фудбалот со цел да им се помогне на судиите при донесувањето на одлуките...

По инцидентот на дуелот помеѓу Франција и Ирска и играњето на Тиери Анри со рака повторно се разви голема дебата за влез на видео технологијата во фудбалот.

Многу играчи и стратези повикаа судиите да добијат помош кога има спорен момент како што има во некои други спортови но најпрво Мишел Платини (претседателот на УЕФА) а сега и Сеп Блатер (претседателот на ФИФА) ја отфрли идеата за видео технологија во фудбалот.

“Судиите ќе останат човечки суштества, и нема да има монотори за да се стопира натпреварот и да видиме дали одлуката е добра или погрешна.” – рече Блатер.

“Денот кога натпреварот ќе биде прекинат за судијата да може да ја види целата акција на повторена снимка, фудбалот ќе умре.”

“Грешките на судиите се составен дел од фудбалот, не знам што ќе се случи кога јас нема да бидам на чело на ФИФА, но во моментов повторените снимки и видео технологијата не се на мојата агенда.”

Блатер исто верува дека земја од Африка може да победи на Светското Првенство во 2010.

“Иако има многу фаворити од Европа и Јужна Америка мислам дека ова Светско Првенство може да го освои земја од Африка.”

Powered by: 24 FUDBAL.com.mk