Англија | Шампионот на Англија соопшти дека е постигнат договор со Челзи за клубски рекорден трансфер на Хуан Мата на Олд Трафорд...



Медиумите од ’Островото’ неколку дена говорат дека Манчестер Јунајтед ќе го сруши клупскиот рекорден трансфер и ќе плати 37 милиони фунти за ангажман на Хуан Мата од Челзи.
 
Жозе Мурињо попладнево потврди дека зделката ќе се комплетира во скоро време откако ’Сините’ му дале дозвола на Шпанецот да замине на лекарски прегледи со Манчестер Јунајтед.
 
Официјална потврда пристигна вечерва, ’Црвените Ѓаволи’ пренесоа дека е постигнат договор со Челзи за трансферот на Хуан Мата.
 
„Манчестер Јунајтед е задоволен што може да соопшти дека постигна договор со Челзи за трансфер на Хуан Мата” – гласеше известувањето на тимот од Олд Трафорд.
 
„За комплетирање на зделката, играчот треба да ги помине лекарските прегледи и да ги договори личните услови”.
 
Хуан Мата беше најдобар фудбалер на Челзи изминативе две сезони, но по пристигнувањето на Жозе Мурињо тој го загуби првотимскиот статус и имаше ограничена минутажа.

Извор: 24FUDBAL.com.mk