МЕНИ

Англија | Менаџерот на Манчестер Јунајтед, Дејвид Мојс вчера го проследи натпреварот помеѓу Борусија М. и Баерн Минхен, се говори дека Шкотот добро внимавал на Тони Крос...

’Баварците’ вчера со 2-0 славеа на гостувањето кај Борусија Менхенгладбах, а во свчената ложа на Борусија Парк беше менаџерот на ’Црвените Ѓаволи’, Дејвид Мојс.

Шампионот на Англија се обидува да го засили тимот во зисмкиот преоден рок по лошите резултати во првиот дел од сезоната.

Медиумите веднаш почнаа да шпекулираат која е причината за патувањето на Дејвид Мојс во Германија.

Некои весници пренесуваат дека Шкотот го следел офанзивниот фудбалер на Борусија Менхенгладбах, Патрик Херман како и дефанзивецот на Баерн Минхен, Данте.

Но според Bild, Дејвид Мојс добро внимавал на Тони Крос, весникот ваквата сторија ја базира на фактот што менаџерот на Манчестер Јунајтед на стадионот пристигнал во присуство на агентот Саша Брисе.

Тој е десна рака на Волкер Штрут, сопственикот на агенцијата ’СпортсТотал’, која се грижи за кариерата на Тони Крос.

Репрезентативецот на Германија е под договор со Баерн Минхен до 2015, и неодамна од таборот на ’Баварците’ посочија дека преговорите за продолжување на соработката не вродиле со плод.