Италија | Михаел Есиен вели дека е среќен поради тоа што ќе го носи дресот на Милан, но признава дека на Сан Сиро доаѓа поради Кларенс Сидорф...



Есиен синоќа пристигна во Милано, денес треба да ги помине медицинските прегледи и да потпише договор со Росоњерите до јуни 2015 година.
 
Тој во Милано доаѓа како слободен играч, откако Челзи во знак на благодарност за стореното за клубот му го раскина договорот без никаква оштета.
 
„Среќен сум што ќе играм во Милан, ќе го дадам најдоброто од мене за овој клуб" - изјави Есиен по пристигнувањето во Милано.
 
„Сакам да му се заблагодарам на Абрамович, на тимот и на Мурињо, кои ми овозможија да се преселам во Милан".
 
„Одлучив да дојдам тука поради Сидорф. Тој е голем човек и се надевам дека исто така ќе биде и голем тренер".
 
„Не можам да дочекам да почнам да играм за Милан. Кака и Балотели се одлични фудбалери".

Извор: 24FUDBAL.com.mk