Англија | Медиумите од ’Островото’ пренесуваат дека Арсенал и Шалке го договориле обештетувањето за Јулиан Дракслер, ’Топџиите’ ќе платат 37 милиони фунти...
Овој месец често се говори дека талентираниот репрезентативец на Германија ќе се пресели на Емирати Стадионот.
Арсен Венгер вчера уште еднаш ги демантираше ваквите шпекулации и истакна дека тие не се блиску до ангажман на Јулиан Дракслер.
Зборувајќи по победата од 4-0 над Ковентри во ФА Купот, менаџерот на Арсенал рече: „Тоа е илузија. Ништо не се случува, искрено не”.
„Не ни се потребни играчи за на крилните позиции – имаме 17 фудбалери за крилните позиции”.
Но и покрај ваквите коментари на Французинот, медиумите говорат дека Арсенал и Шалке постигнале договор за обештетувањето на Јулиан Дракслер, ’Топџиите’ ќе платат 37 милиони фунти за услугите на офанзивниот фудбалер од средниот ред.
Сега преостанува тимот од Емирати Стадионот да ги договорат личните услови со играчот.
Се говори дека самиот Јулиан Дракслер притискал за преселба во редовите на Арсенал.
Извор: 24FUDBAL.com.mk
