Англија | Агентот на Шинџи Кагава вели дека неговиот клиент нема да замине од Манчестер Јунајтед во зимскиот преоден рок...



Подолго време кружат шпекулации за иднината на репрезентативецот на Јапонија, кој сеуште не може да го прикаже најдоброто од себе во дресот на ’Црвените Ѓаволи’.
 
Хуан Мата е на чекор до преселба на Олд Трафорд, па се говори дека трансферот на Шпанецот би можел да придонесе Шинџи Кагава да замине во последните денови од зимскиот преоден рок.
 
Плејмејкерот се поврзува со враќање во Борусија Дортмунд, а како опција се посочува и Атлетико Мадрид.
 
Сепак, неговиот агент во разговор со Sky Sports ја отфрма можноста за заминување од Манчестер Јунајтед.
 
„Во моментов сум сигурен дека Шинџи ќе остане” – рече Томас Крот. „Се работи само за шпекулации, не е остварен никаков контакт”.
 
Запрашан дали трансферот на Мата може да влијае врз иднината на Кагава на Олд Трафорд, тој рече: „Не. Според мене, Шинџи останува во Манчестер Јунајтед”.

Извор: 24FUDBAL.com.mk