Шпанија | Медиумите од Шпанија пренесуваат дека бордот на директори на Барселона попладнево ќе има вонредна средба на која претседателот Сандро Росел најверојатно ќе поднесе оставка...
По одлуката на судот во Мадрид да отвори истрага за неправилности при трансферот на Нејмар, сериозно е разнишано столчето на претседателот Сандро Росле, на чие име гласи тужбата.
Медиумите од Шпанија пренесуваат дека за 18 часот е закажана вонредна средба на бордот на директори на Барселона, и најверојатно тогаш Сандро Росел ќе поднесе неотповиклива оставка со цел да не се нанесе штета на имиџот на клубот.
Сандро Росел околу 12 часот имал средба со потпретседателот за спорт Хосеп Мариа Бартомеу, потпретседателот за финансии Хавиер Фаус како и уште неколку директори од доверба, со цел да се договори следниот потег.
Извештаите велат дека Сандро Росел ја спомнал идејата да се повлече, но бил советуван да го одработи мандадот до 2016.
Доколку Снадро Росел попладнево поднесе оставка, се очекува потпретседателот Хосеп Мариа Бартомеу да биде именува за претседател на привремена основа до крајот на сезоната, но не се исклучува можноста Бартомеу да остане на претседателското столче и до 2016.
Извор: 24FUDBAL.com.mk
