МЕНИ

Италија | Фреди Гуарин утрово се појавил во тренинг центарот на Интер и покрај тоа што има дозвола од клубот за два дена одмор...

Во вторникот вечерта Интер соопшти дека се повлекува од преговорите со Јувентус за трампа на Мирко Вучиниќ и Фреди Гуарин.

Репрезентативецот на Колумбија беше гневен на лидерите на Интер, и вчера не се појави на тренинг.

Медиумите шпекулираа дека играчот нема намера повеќе да го облече дресот на ’Нероаѕурите’, но од таборот на Интер посочија дека Фреди Гуарин добил два дена одмор и токму затоа не тренира.

И покрај тоа што денеска имал слободен ден, фудбалерот од средниот ред утрово на големо изненадување се појавил во тренинг центарот на Интер и го одработил тренингот со преостанатиот дел од тимот.

За целата ситуација спортскиот директор Пјеро Аусилио рече: „Вчера вечерта ни се јави и праша дали може да дојде на тренинг”.

„Веднаш го информиравме тренерот. Ние сме задоволни, тој е играч на Интер и сакаме да се чувствува комфорно”.

„Тој веќе разговараше со Мацари”.

Извештаите велат дека и покрај ваквиот развој на настаните, иднината на Фреди Гуарин во Интер останува под знак прашалник.