МЕНИ

Шпанија | Ѕвездата на Реал Мадрид, Кристијано Роналдо вели дека конкуренцијата со Лео Меси и останатите играчи од светска класа му помага да биде подобар фудбалер...

Португалецот минатата недела на церемонија во Цирих беше прогласен за Најдобар Фудбалер во 2013, и по втор пат ја доби Златната Топка.

Во разговор со France Football, Кристијано Роналдо вели дека конкуренцијата со големиот ривал од Барселона, Лео Меси, но и останатите играчи од светска класа, му помага да биде подобар фудбалер и постојано да бележи прогрес.

„Секако дека конкуренцијата со Лео Меси ми помага да бидам подобар фудбалер” – рече CR7,

„Но не само конкуренцијата со Лео Меси, туку и со другите играчи од светска класа како што се Луис Суарез, Андрес Иниеста, Нејмар, Герет Бејл, Диего Коста или Фалкао”.

„Тие го подобруваат нивото на кое играат и поради ова, јас го подобрувам моето ниво”.

„Меси и јас сакаме да бидеме најдобри, и на тој начин си помагаме еден на друг да станеме подобри”.

Роналдо исто така вели дека напорната работа е една од причините за неговиот успех.

„Знам дека ако работам напорно и покажам голема амбиција ќе бидам најдобар на теренот”,

„Секогаш сум се сметал за професионално момче, таква е мојата култура”.

„Секогаш сум учел од другите играчи, од Гери Невил или Рајан Гигс во Манчестер Јунајтед, од Раул или Мичел Салгадо во Реал Мадрид, и од Луис Фиго, Руи Коста, Деко и Фернандо Коуто во репрезентацијата на Португалија”.

„Да се биде добар професионалец е 70% од успехот како играч”.