Италија | Интер излезе со соопштение во кое потврди дека нема да има размена помеѓу Фреди Гуарин и Мирко Вучиниќ...



Интер и Јувентус влегоа во напредна фаза на преговори за размена на Гуарин и Вучиниќ.
 
Фановите на Нероазурите протестираа против одлуката на раководството да го замени Гуарин со Вучиниќ.
 
И според многу фудбалски стручњаци, Интер ќе направеше голема грешка доколку се реализираше оваа зделка.
 
По притисокот на навивачите и јавноста клубот од Милано се предомисли и ги стопираше преговорите.
 
„ФК Интер одлучи да не ги продолжи преговорите со Јувентус за трансферот на Фреди Гуарин и Мирко Вучиниќ" - стои во соопштението на Интер.
 
„Претседателот Тохир имаше разговор со Масимо Морати и клупскиот менаџмент, и одлучи дека не постојат технички и финансиски услови за постигнување на договор".
 
„Претседателот веќе им даде инструкции на спортските директори да најдат други трансфер можности, со цел клубот да се засили притоа почитувајќи ги параметрите на Финансиските Фер Плеј правила".
 
Од таборот на Јувентус не сакаа да го коментираат соопштението на Интер.

Извор: 24FUDBAL.com.mk