Италија | Медиумите од Италија пренесуваат дека Фреди Гуарин останува на продажба, Интер ќе оставари контакт со Атлетико Мадрид и Манчестер Јунајтед...



Репрезентативецот на Колумбија беше на чекор до преселба во Јувентус, но вчера ’Нероаѕурите’ се откажа од трампата со која Мирко Вучиниќ требаше да се пресели на Џузепе Меаца а Фреди Гуарин во Торино.
 
Се говори дека фудбалерот е бесен на лидерите на Интер што не дале зелено светло за зделката, денеска тој не се појавил на тренинг и планира повеќе да не го облече ’црно-синиот’ дрес.
 
Извештаите велат дека Фреди Гуарин останува на продажба и ’Нероаѕурите’ се обидуваат да пронајдат решение.
 
SportMediaset пренесува дека Интер ќе се обиде да ги обнови контактите со Атлетико Мадрид и Манчестер Јунајтед, и да го понуди играчот по намалена цена од 10 милиони евра.
 
Наполи исто така се посочува како можна следна дестинација, но според SportMediaset, ’Наполитанците’ се подговени да одвојат само 6 милиони евра плус услугите на Паоло Канаваро, понуда што не ги задоволува апетитите на Интер.

Извор: 24FUDBAL.com.mk