Англија | Фудбалерот на Арсенал, Санти Казорла смета дека Топџиите во моментов заслужуваат да бидат на чело на табелата во Премиер лигата...



Казорла беше херојот на Арсенал во победата над Фулам од 2-0, токму тој беше реализатор на двата погодоци.
 
Трката за титулата е крајно неизвесна, а најсериозни кандидати за неа се Арсенал, Манчестер Сити и Челзи.
 
„Во моментов покажуваме дека сме рамо до рамо со Сити и Челзи" - вели Казорла.
 
„Можеби на стартот од сезоната никој не помислуваше дека ние ќе бидеме високо како овие две екипи поради засилувањата кои ги ангажираа тие".
 
„Но според прикажаното на теренот до сега, Арсенал е пред нив и нашата цел е да продолжиме да се бориме со нив".
 
„Оваа сезона нашиот тим е посолиден, подобри сме од лани, но мора да продолжиме да играме во оваа форма бидејќи Челзи и Сити се силни противници".
 
„Во моментов, ние сме први во Премиер лигата и заслужуваме да бидеме таму".

Извор: 24FUDBAL.com.mk