Германија | Кевин Де Брујн го комплетираше трансферот од Челзи во Волфзбург, 22-годишниот фудбалер потпиша пет годишен договор со германскиот клуб...



Според информациите на медиумите овој трансфер ќе го чини Волфзбург 16 милиони фунти.
 
Де Брујн во Челзи пристигна во 2012 година од Генк, тогаш Сините платија 7 милиони фунти за неговиот потпис, но младиот фудбалер никогаш не се избори за првотимски статус на Стемфорд Бриџ.
 
Де Брујн открива дека го одбил Атлетико Мадрид за да се пресели во Волфзбург.
 
„Преговарав и со Атлетико Мадрид. Тоа беше добра опција но не бев сигурен дали ќе играм таму" - вели Де Брујн.
 
„Не заминав од Челзи бидејќи треба да играм на Светско првенство, не бев во првиот тим, па не уживав таму".
 
„Моите подготовки беа добри, првиот натпревар исто, но сеуште не знам зошто го загубив местото по натпреварот против Манчестер Јунајтед".
 
„Сепак не жалам за трансферот во Челзи. Играв добра сезона во Вердер, созреав како фудбалер, ова беше процес на учење".

Извор: 24FUDBAL.com.mk