Шпанија | Поради повреда на скочниот зглоб на десната нога, Нејмар ќе биде надвор од стројот помалку од еден месец...



Бразилецот предвреме го заврши вчерашниот дуел со Гетафе во Копа Дел Реј, и во прв момент се чинеше дека играчот посериозно се повреди.
 
По крајот на средбата, тренерот на Барселона, Тата Мартино истакна дека најверојатно не се работи за нешто посериозно и Нејмар брзо ќе се врати на терените.
 
Деталните тестови извршени попладнево го покажаа токму тоа, Нејмар само ја истегнал тетивата на десниот скочен зглоб и ќе биде надвор од стројот помалку од еден месец.
 
Според лекарскиот тим на ’Каталонците’, репрезентативецот на ’Кариоките’ ќе паузира од три до четири недели.
 
Нејмар сигурно ќе ги пропушти средбите против Леванте, Малага и Валенсија во Примера, како и четврт-финалната пресметка со Леванте во Копа Дел Реј, но ќе биде фит за дуелот со Манчестер Сити во Лигата на Шампионите.

Извор: 24FUDBAL.com.mk