Шпанија | Кристијан Тељо ја отфрла можноста да замине од Камп Ноу во јануари, фудбалерот вели дека останува во Барса до јуни...



Кристијан Тељо е една од трансфер желбите на Ливерпул, ’Црвените’ сакаат да го ангажира офанзивниот фудбалер на позајмица до крајот на сезоната.
 
Пред неколку недели се говореше дека играчот е на чекор до Енфилд, но во последно време стивнаа гласините за преселбата на Шпанецот на ’Островото’.
 
По вчерашниот дуел со Гетафе во Копа Дел Реј, Кристијан Тељо истакна дека е среќен на Камп Ноу, и порача дека останува во Барса барем до јуни.
 
„Дефинитивно останувам во Барса до јуни, потоа ќе видиме што ќе се случи летоска” – рече Тељо.
 
„Најважно е да играм, да добивам минутажа и да работам напорно. Секогаш треба да го давате максимумот и да ги користите приликите кои ви се укажуваат”.
 
„Среќен сум тука. Ја немам минутажата од минатата сезона, но не се откажувам“.

Извор: 24FUDBAL.com.mk