Англија | Менаџерот на Арсенал, Арсен Венгер вели дека во овој момент ’Топџиите’ не се блиску до ангажман на Јулиан Дракслер, или пак некој друг фудбалер...
Во последно време силно се говори дека Арсенал овој месец ќе го ангажира талентираниот Јулиан Дракслер од Шалке во зделка вредна околу 45,5 милиони евра.
Сепак, зборувајќи на денешната прес конференција, Арсен Венгер истакна дека во моментов тие не се блиску до ангажман на репрезентативецот на Германија, или пак некој друг фудбалер.
„Не сме блиску до ангажман на Јулиан Дракслер” - рече менаџерот на Арсенал.
Некои медиуми пренесоа дека играчот веќе бил во северен Лондон, и имал прошетка низ тренинг комплексот на Арсенал, но Арсен Венгер го демантираше и ова.
„Ова е исто како неидентификуван летечки објект. Некој луѓе ги гледаат постојано”.
Запрашан за сториите кои го поврзуваат Арсенал со Димитар Бербатов од Фулам, Французинот одговори: „Треба да ми поставите прашање дали го ценам Бербатов како фудбалер? Многу. Дали сме сталиле во контакт со него? Не”.
„Мислам дека нема да го ангажираме Бербатов бидејќи Бендтнер наскоро ќе се опорави од повредата, а исто така и Јаја Саного бележи добар прогрес”.
„Го загубивме Тео Волкот и секако дека тоа е голем удар, но се надевам дека ќе успееме некако да компензираме”.
„Трансфер пазарот е отворен до 31. јануари, но во моментов не сме блиску до ангажман на ниту еден играч”.
Извор: 24FUDBAL.com.mk
