Англија | Левиот бек на Челзи, Рајан Бертранд до крајот на сезоната ќе настапува во Астон Вила како позајмен фудбалер...



24 годишниот Англичанец имаше солидна минутажа минатата сезона, но по пристигнувањето на Жозе Мурињо се пресели на клупата за резерви.
 
Ешли Кол и Цесар Азпиликуета се изборот на ’Специјалниот’ за левата бековска позиција, па затоа ’Сините’ му дозволија на Рајан Бертранд да замине на позајмица.
 
Неколку клубови пројавија интерес, а битката за неговиот потпис ја доби Астон Вила.
 
„Астон Вила со задоволство може да соопшти дека стигна до услугите на Рајан Бертранд од Челзи, кој пристигнува на позајмица до крајот на сезоната” – гласеше соопштението на тимот од Вила Парк.
 
Рајан Бертранд е второ засилување за Астон Вила овој месец, претходно на Вила Парк се пресели Грант Холт.

Извор: 24FUDBAL.com.mk