Шпанија | Голманот на Атлетико Мадрид, Тибо Куртоа сака што поскоро да седне на маса со раководството на Челзи и конечно да биде решена неговата иднина...



Куртоа последните две ипол години ги игра во Атлетико Мадрид како позајмен играч на Челзи.
 
Сините го имаат Петр Чех, Куртоа нема против враќање на Стемфорд Бриџ, но не како втор голман.
 
Информациите од англиските медиуми велат дека иднината на Куртоа ќе биде решена во мај и најверојатно тој ќе биде продаден.
 
Сепак, голманот на Белгија сака побрзо решавање на неговата ситуација.
 
„Не би можел да чекам премногу долго да се реши ова. Не сакам одлуката да биде донесена во мај" - вели Куртоа.
 
„Сакам мојот статус во Челзи да биде решен колку што е можно побрзо, најдоцна до март".
 
„Но во јануари имаме многу натпревари и пред се сакам да се фокусирам на нив, а не да зборувам за трансфери".

Извор: 24FUDBAL.com.mk