МЕНИ

Германија | Генералниот извршен директор на Баерн Минхен, Карл Хајнц Румениге вели дека тие сакаат да го задржат Марио Манџукиќ и да го продолжат неговиот договор...

По крајот на сезоната на Алианц Арена пристигнува Роберт Левандовски, па се шпекулира дека Марио Манџукиќ ќе замине од Минхен.

Неколку клубови пројавуваат интерес за услугите на напаѓачот, се говори дека Јувентус е најконкретен, но ’Баварците’ не сакаат да го продадат репрезентативецот на ’Коцкастите’.

Во разговор со Bild, генералниот извршен директор на Баерн Минхен, Карл Хајнц Румениге вели дека тие се задоволни од игрите на Марио Манџукиќ и планираат да му понудат нов договор на играчот.

„Потполно сме задоволни од Манџукиќ” – рече Румениге. „Тој ги надмина нашите очекувања“.

„Ќе го задржиме во Минхем и подготвени сме да го продолжиме неговиот договор. Не сум добил импресија дека тој не сака да ја продолжи верноста”.

Хрватот е обврзан кон шампионот на Германија до 30. јуни 2016.

Румениге исто така вели дека Баерн планира да ја продолжи соработката и со Арјен Робен, кој е под договор до 2015.

„Често сум во контакт со Робен и со неговиот татко, наскоро ќе имаме средба за да бидеме поконретни”.

„Ние сме многу среќни, и тој се чувствува комфорно тука. Оптимст сум”.