Шпанија | Поранешниот претседател на Реал Мадрид, Рамон Калдерон верува Кристијано Роналдо ќе ја заврши кариерата во Премиер лигата...



Рамон Калдерон не верува дека Роналдо ќе ја заврши кариерата во Реал Мадрид иако Португалецот во септември стави потпис на нов пет годишен договор со клубот.
 
Роналдо потврди дека размислувал за враќање во Манчестер Јунајтед и Калдерон верува дека тој ќе се врати во Премиер лигата.
 
„Не мислам дека тој ќе ја заврши кариерата во Реал" - вели Калдерон за Sun.
 
„Мислам дека еден ден ќе се врати во Англија. Во Мадрид е задоволен од градот и фановите. Но неговиот однос со Флорентино Перез не е добар како што беше со Алекс Фергусон во Манчестер Јунајтед".
 
„Роналдо сака да има близок однос, со Флорентино тоа го нема".
 
„Односот е лош или воопшто не постои. Но и покрај тоа тој е во Реал".
 
„Сите во светот сакаат да го имаат Кристијано во нивниот тим, тоа е јасно".
 
„Многу е важно да го задржиме во Мадрид, поради неговиот имиџ и поради перформансите. Кристијано е роден за да игра во Реал Мадрид".

Извор: 24FUDBAL.com.mk