Германија | Трансфер целта на Реал Мадрид и Манчестер Јунајтед, Илкај Гундоган вели дека сеуште не донел одлука за неговата иднина и во овој момент ги задржува отворени сите опции...



Репрезентативецот на Германија е под договор со Борусија Дортмунд до јуни 2015, и сеуште не се започнати разговори за продолжување на соработката.
 
’Милионерите’ во неколку наврати се обидоа да седнат на преговарачка маса со Илкај Гундоган, но играчот секогаш велеше дека најпрво сака да се опорави од повредата на грбот, поради која е надвор од стројот од август минатата година.
 
Реал Мадрид и Манчестер Јунајтед сакаат да ја искористат ваквата ситуација и да стигнат до услугите на фудбалерот од средниот ред.
 
Медиумите шпекулирата дека играчот ќе замине од Сигнал Идуна Парк, но во интервју за Bild, Илкај Гундоган вели дека сеуште не донел одлука за неговата иднина.
 
Борусија Дортмунд e прв избор на играчот, но тој ги задржува отворени сите опции.
 
„И понатаму мој приоритет е што поскоро да се вратам на терените” – вели Гундоган.
 
„Сеуште не сум донел одлука за иднината. Борусија Дортмунд е првиот тим со кого ќе зборувам“.
 
„Наскоро ќе донесам одлука, за која добро ќе размислам”.
 
„Во овој момент, сите опции се отворени”.
 
Лидерите на Борусија Дортмунд не сакаат да се одолговлекува ситуацијата и побараа играчот што поскоро да донесе одлука, но Гундоган не гледа на ова како ултиматум.
 
„Не се работи за ултиматум. Јас само се обидувам да се опоравам целосно и да се вратам во топ форма”.

Извор: 24FUDBAL.com.mk