МЕНИ

Останато | Меѓународниот институт за фудбалска историја и статистика објави дека Баерн Минхен бил клубот број 1 во 2013...

За прв пат во ранкингот на IFFHS, клуб од Германија е на првото место, но ова воопшто не треба да биде изненадување со оглед на огромниот успех што го забележаа ’Баварците’.

Во 2013, Баерн Минхен триумфираше во Бундеслигата, Купот на Германија, Лигата на Шампионите, Суперкупот на Европа и Светското Клупско Првенство.

Меѓународниот институт за фудбалска историја и статистика денеска објави дека Баерн Минхен ја завршил годината со 370 ранкинг бодови, вториот најдобар скор во историјата, надминат само од Јувентус, ’Старата Дама’ во 1993 имала 372,7 бода.

Реал Мадрид не освои ниту еден трофеј, но според IFFHS, настапот во полу-финалето од Лигата на Шампионите, финалето од Копа Дел Реј и второто место во Примера, биле доволни за ’Кралевите’ да се најдат на втората позција.

Челзи е рангиран на третото место, на четвртото се најде Атлетико Мадрид, а последното место во топ 5 припадна на Барселона.

Ранкингот за 2013 според IFFHS:

1. Баерн Минхен (Германија) 370 бода
2. Реал Мадрид (Шпанија) 290
3. Челзи (Англија) 273
4. Атлетико Мадрид (Шпанија) 251
5. Барселона (Шпанија) 247
6. ПСЖ (Франција) 240
7. Базел (Швајцарија) 239
8. Атлетико Минеиро (Бразил) 238