Германија | ’Баварците’ соопштија дека ќе одвојат скоро 90 000 евра за фановите кои ќе купат билет за гостувањето во Лондон и дуелот со ’Топџиите’ во осмина-финалето од Лигата на Шампионите...
Актуелниот шампион на Европа доби 2 974 билети за средбата што ќе се одигра на Емирати Стадионот на 19. февруари, а дури 18 000 фанови поднеле апликација.
Во знак на благодарност за големата поддршка што ја добиваат, ’Баварците’ решија да ги субвенционираат своите фанови и да одвојат скоро 90 000 евра за оние кои ќе купат билет.
Арсенал ги продава билетите по цена од 62 фунти (75 евра), па фановите кои ќе стигнат до карта ќе треба да платат само 45 евра, а останатите 30 евра ќе паднат на трошок на Баерн Минхен.
„Ова е едно мало благодарам за одличната поддршка што ни ја дадовте во 2013” – гласеше соопштението на тимот од Алианц Арена.
Извор: 24FUDBAL.com.mk
