МЕНИ

Италија | Реномираниот италијански агент, Ернесто Бронзети очекува Пол Погба во летниот преоден рок да направи мега трансфер во редовите на ПСЖ...

Репрезентативецот на ’Триколорите’ важи за еден од најперспективните играчи во Европа, и е трансфер желба на голем број клубови.

Претседателот на ПСЖ, Насер Ал Келаифи неодамна призна дека ’Светците’ се заинтересирани за Пол Погба, и сугерираше дека тие ќе се обидат да го ангажираат фудбалерот од средниот ред по крајот на сезоната.

Реномираниот италијански агент, Ернесто Бронзети во интервју за Premium Calcio сега вели дека очекува Погба летоска да се пресли на Паркот на Принцовите во трансфер вреден помеѓу 50 и 60 милиони евра.

„Следното засилување на ПСЖ ќе биде Погба” – рече Бронзети. „Ова е прилично јасно сценарио, очекувам ваков трансфер во јуни“.

„Мислам дека Јуве нема да одолее на понуда од 50 или 60 милиони евра, и според мене, лидерите на ’Старата Дама’ ќе направат добар потег”.

„Наскоро ќе биде обновен договорот на играчот, но тоа ќе биде само подготовка за негова продажба”.

„Зделката не е договорена, но двата клуба ќе пронајдат заеднички јазик по крајот на сезоната”.

„Што се однесува до Марко Верати, не очекувам тој да биде дел од трансферот на Пол Погба”.