Шпанија | Реал Мадрид соопшти дека интерната истрага покажала дека Анхел Ди Мариа не направил непристоен гест кон фановите на Сантијаго Бернабеу па затоа играчот нема да биде казнет...



Репрезентативецот на ’Гаучосите’ се најде на ’тапет’ поради инцидентот што се случи во понеделникот на средбата против Селта.
 
По една бледа партија, Анхел Ди Мариа беше заменет во 64. минута, и од теренот беше испратен со исвиркувања од навивачите.
 
На излегување од теренот, фудбалерот се фати за гениталиите, а весниците овој потег го протолкуваа како одговор на играчот на свирежите од фановите упатени на негова адреса.
 
Анхел Ди Мариа веднаш ги демантираше ваквите обвинувања, а Реал Мадрид започна дисциплинска постапка.
 
’Кралевите’ денеска пренесоа дека интерната истрага што била спроведена покажа дека нема доволно докази кои укажуваат на тоа дека Анхел Ди Мариа направил непристоен гест кон фановите на Сантијаго Бернабеу.
 
Затоа клубот одлучил да не го казни Аргентинецот, и да го затвори целиот случај.

Извор: 24FUDBAL.com.mk