Холандскиот интернационалец вели дека во моментов е среќен во Реал Мадрид и додава дека не планира да го напушти Сантијаго Бернабе...

По повредата на Кака, Ван дер Варт добива многу поголема шанса за настап од Мануел Пелегрини и Холанѓанецот вели дека во моменов тој е среќен.

“Работите добро се одвиваат сега. Подготвителната сезона беше многу тешка и јас не играв многу, но ситуацијата се промени.” – рече на денешната прес-конференција Ван дер Варт.

“Јас сум среќен. Сега играм и сакам да бидам важен дел од овој тим.”

“Дали се чувствуам покомфорен во офанзивниот дел од средниот ред Да, бидејќи на таа позиција се чувствуам најкомфорно. Можам да постигнувам погодоци и да ја додавам топката. Тоа е истата позиција од моето време во Хамбургер и Ајакс. Секогаш сум играл зад напаѓачите.”

“Првите месеци ми беа многу тешки, но продолжив да се борам и сакав да останам тука. Мислам дека Реал Мадрид е најдобриот клуб во светот. Јас сум многу среќен.”

“Дали размислував за заминување Не. Јас сакам да останам тука.”

“Дали сеуште ќе играм кога Кака ќе се врати Јас само уживам во моментов. Не знам што ќе се случи кога Кака ќе се врати.”

“Ќе биде тешко, но јас останувам со голема самодоверба. Можеме да играме заедно, но ќе видиме што ќе се случи.”

Запрашан за победата на Пепе, Варт рече “Жалиме поради сериозната повреда. Тој е еден од најдобрите дефанзивци во светот. Му даваме поддршка на секој можен начин. Се обидовме да го развеселиме, но сеуште е тешко да се пронајдат зборови.”

“Дали е потребно да ангажираме замена за него Имаме доволно играчи кои можат да го заменат. Мецелдер, Гарај, Албиол, Серхио Рамос.. мислам дека не треба да ангажираме нов играч.”

Powered by: 24 FUDBAL.com.mk