Германија | Тимот од Гелзенкирхен потврди дека офанзивниот фудбалер на Баер Леверкузен, Сидни Сем летоска ќе се пресели на Фелтинс Арена...



Репрезентативецот на Германија подолго време беше во преговори со ’Фармацевтите’ за продолжување на договорот.
 
Откако двете страни не постигнаа согласност, стана јасно дека Сидни Сем ќе замине бидејќи има откупна клаузула вредна само 2,5 милиони евра.
 
Неоплни 48 часа по вестите дека Сидни Сем ја одбил последната понуда на Леверкузен, Шалке соопшти дека играчот пристигнува на Фелтинс Арена.
 
„Од 1. јули 2014, Сидни Сем ќе го носи дресот на Шалке“ – гласеше известувањето на тимот од Гелзенкирхен.
 
„25 годишниот фудбалер пристигнува од редовите на Баер Леверкузен и стави потпис на четиригодишен договор со трајност до 30. јуни 2018”.
 
Сидни Сем во моментов ја игра најдобрата сезона во својата кариера, напаѓачот има 7 погодоци и пет асистенции на 12 натпревари во Бундеслигата.

Извор: 24FUDBAL.com.mk