Шпанија | Медиумите од Шпанија пренесуваат дека претседателот на Реал Мадрид му понудил на Раул да се врати на Сантијаго Бернабеу и да стане дел од управата на клубот...



Според пишувањата на El Confidencial, на неодамнешното патување во Катар, каде Реал Мадрид одигра пријателски натпревар со ПСЖ, Флорентино Перез имал средба со поранешниот капитен на ’Кралевите’, Раул Гонзалез.
 
Весникот пренесува дека претседателот на Реал Мадрид му понудил на играчот следната сезона да се врати на Сантијаго Бернабеу и да стане дел од управата на клубот.
 
Намерата на Раул била да игра фудбал уште една година и потоа да се впушти во тренерските води, но сега сериозно го разгледува предлогот на Реал Мадрид.
 
Шпанецот 18 години беше дел од ’Кралевите’, но во 2010 беше приморан да замине поради голема конкуренција за место во тимот.

Извор: 24FUDBAL.com.mk