Англија | Пол Погба признава дека како дете сонувал за настап во Арсенал и Барселона, но инсистира дека во моментов е среќен во Јувентус...



20 годишниот Французин важи за еден од најперспективните играчи на ’Стариот континент’ и се шпекулира дека е трансфер желба на голем број клубови, помеѓу кои Арсенал, ПСЖ, Челзи, Барселона и Реал Мадрид.
 
Јувентус не сака да се откаже од својата млада ѕвезда и се обидува да го продолжи договорот на Пол Погба.
 
Во разговор со La Repubblica, репрезентативецот на ’Триколорите’ признава дека каде дете сонувал за настап во Арсенал и Барса, но вели дека во моментов е среќен во Торино.
 
„Се чувствувам добро во Јуве” – рече Погба.
 
„Не криам дека како дете сонував за настап во дресот на Арсенал или Барселона. Сега сонувам за настап во репрезентацијата на Франција”.
 
„Според мене, Јувентус е Зидан, Трезеге, Недвед. Јуве е талент, класа дисциплина и тимска работа”.
 
„Знам дека ветувањата не се доволни. Започнав од дното, знам дека треба да се изоди патот, и имам волја да го сторам тоа”.
 
„Не се брзам, но сакам да го ставам мојот талент во акција”.

Извор: 24FUDBAL.com.mk