Германија | Напаѓачот на Баерн Минхен, Марио Манџукиќ не им обрнува внимание на шпекулациите кои го поврзуваат со трансфер во Јуве...



Се очекува во скоро време да пристигне официјална потврда за преселбата на Роберт Левандовски на Алианц Арена.
 
Репрезентативецот на Полска е обврзан кон Борусија Дортмунд до крајот на сезоната, и подолго време се говори дека има пред-договор со Баерн Минхен.
 
Еден ваков трансфер под знак прашалник ја става иднината на Марио Манџукиќ, репрезентативецот на ’Коцкастите’ најверојатно ќе замине од Минхен во летниот преоден рок.
 
Во последните неколку денови често се говори дека Јувентус прави напори да го ангажира 27 годишниот фудбалер, шампионот на Италија е подготвен да плати помеѓу 20 и 25 милиони евра за услугите на Хрватот
 
Сепак, Марио Манџукиќ не им обрнува внимание на ваквите стории, напаѓачот фокусиран само на Баерн Минхен.
 
„Марио е фокусиран само на Баерн Минхен“ – вели неговиот агент, Иван Цвјетковиќ.
 
„По крајот на сезоната, тој ќе има уште две години од договорот со Баерн, и се чувствува многу добро во Минхен”.
 
„Какви се шансите за преселба во Јувентус? Не сакам да говорам за проценти. Во овој момент две работи се јасни, Марио е среќен во Баерн и е под договор до 2016”.
 
„Пеп Гвардила го цени многу, тренерот го покажа тоа во првиот дел од сезоната”.

Извор: 24FUDBAL.com.mk