Шпанија | Тренерот на Реал Мадрид, Карло Анчелоти верува дека ’Кралевите’ и Чаби Алонсо ќе ја продолжат соработката...
Шпанскиот репрезентативец е обврзан кон Реал Мадрид до 30. јуни 2014, и подолго време е во преговори за продолжување на договорот.
Медиумите шпекулираат дека играчот би можел да замине од Сантијаго Бернабеу, но Карло Анчелоти е убеден дека Чаби Алонсо ќе остане верен на ’Кралевите’.
Зборувајќи по вчерашниот натпревар против ПСЖ во Доха, Италијанецот рече: „Мислам дека ќе пронајдеме решение, очекувам Чаби Алонсо и клубот да постигнат согласност за новиот договор”.
Запрашан дали Реал Мадрид ќе настапи на зимскиот трансфер пазар, Анчелоти одговори: „За нас, трансфер пазарот е затворен”.
„Ниту еден играч нема да замине, исто така нема да ангажираме ново име”.
Извор: 24FUDBAL.com.mk
