Англија | Менаџерот на Челзи, Жозе Мурињо ги негира сториите кои велеа дека ’Сините’ имале неуспешен обид за ангажман на Гонзало Игуаин од Наполи...
Медиумите од ’Островото’ денеска пренесоа дека тимот од Стемфорд Бриџ понудил 50 милиони фунти за услугите на Гонзало Игуаин, но ’Наполитанците’ одговорили негативно.
Зборувајќи попладнево на прес конференција, Жозе Мурињо ги демантираше ваквите стории.
’Специјалниот’ вели дека тие не доставиле понуда за услугите на Аргентинецот, ниту пак ќе достават во текот на овој месец.
„Не сме доставиле понуда за Игуиан, ниту пак ќе доставиме” – рече менаџерот на Челзи.
„Знам дека не можеме да го ангажираме Гонзало бидејќи тој пред шест месеци се пресели во Наполи”.
„Наполи сака да го освои Скудетото, мислам дека ќе атакуваат и на Лига Европа”.
„Верувам дека не се заинтересирани за продажба на Игуаин, па зошто да бидам заинтересиран за играч кој практично е невозможно да го добиеме?”
Жозе Мурињо потоа проговори и за ситуацијата на Хуан Мата, репрезентативецот на Шпанија е трансфер желба на неколку клубови.
„Мата беше фантастичен на тренинзите, мислам дека тој повеќе е фокусиран на она што му го кажав по дуелот со Саутемптон, деке не сакам тој да замине и дека мојата врата секогаш е отворен, а не на тоа дека може да замине”.
„Останувам на ставот дека сакам да го задржам“.
„Не сме добиле понуди за неговите услуги.
Запрашан дали Челзи ќе дозволи Хуан Мата да направи трансфер во друг клуб од Премиер лигата, Мурињо кратко одговори: „Не“.
Извор: 24FUDBAL.com.mk
