Италија | Според медиумите од Италија и Англија, Рафа Бенитез сака да го донесе својот сонародник Хуан Мата на Сан Паоло...



Репрезентативецот на ’Црвената Фурија’ не се вклопува во плановите на Жозе Мурињо и би можел да замине од Стемфорд Бриџ во јануари во потрага на поголема минутажа во пресрет на Светското Првенство во Бразил.
 
’Специјалниот’ по победата над Саутемптон во средата јавно порача дека Хуан Мата може да замине, па се говори дека се одбројани деновите на плејмејкерот во Лондон.
 
Последните извештаи велат дека Наполи се приклучува во трката за потписот на Шпанецот, Рафа Бенитез сака да го донесе својот сонародник на Сан Паоло.
 
Медиумите од Италија и Англија пренесуваат дека преставници на ’Наполитанците’ веќе оствариле контакт со Челзи, и се распрашувале за ситуацијата на играчот.
 
Се говори дека Наполи би можел да понуди помеѓу 25 и 35 милиони евра за потписот на Хуан Мата.
 
За услугите на играчот интерес пројавуваат и Интер, Јувентус, ПСЖ, Ливерпул и Манчестер Јунајтед.

Извор: 24FUDBAL.com.mk