Англија | Жозе Мурињо вели дека Хуан Мата може да го напушти Челзи, но тој сака шпанскиот фудбалер да остане во тимот...



Мата беше стартер на синоќешниот натпревар против Саутемптон, но брзо во второто полувреме беше заменет.
 
Тој не се поздрави со Мурињо, а беше видно нервозен кога седна на клупата за резервни играчи.
 
„Мислам дека неговата фрустрација беше поради резултатот бидејќи знаевме дека моравме да победиме. Доколку не го добиевме натпреварот разликата во однос на лидерот ќе беше поголема" - вели Мурињо.
 
„Кога тој излегуваше, тимот губеше два бода, па мислам дека неговата фрустрација беше поради тоа. По натпреварот, сите, вклучувајќи го и него, беа среќни во соблекувалната и ја славеа победата".
 
„Јас сакам тој да остане, не сакам да замине, тоа е мојата желба, но вратата е отворена".
 
„Клупската врата е отворена, па кога фудбалерот ќе сака да зборува ние сме тука".
 
„Доколку ме прашувате дали сакам клубот да го продаде Мата? Не сакам".
 
Поради мала минутажа има најави дека и Есиен сака да си замине од Стемфорд Бриџ.
 
„Ниту на Михаел ниту на било кој не можам да му гарантирам место во тимот".
 
„Разбирам дека фудбалерите размислуваат на националниот тим, Светското првенство, сакаат да играат стандардно, но моите играчи треба да мислат на тимот. Михаел перфектно го знае тоа".

Извор: 24FUDBAL.com.mk