МЕНИ

Англија | Кардиф Сити го потврди Оле Гунар Солскјер за нов менаџер на тимот, легендата на Манчестер Јунајтед се враќа во Премиер лигата...

Она што се најавуваше, денес и официјално се оствари, Кардиф го потврди Оле Гунар Солскјер за нов менаџер.

„ФК Кардиф Сити со задоволство може да соопшти дека Оле Гунар Солскјер му се приклучи на клубот како менаџер на првиот тим" - стои во официјалното соопштение.

Солскјер е среќен што повторно ќе биде дел од Премиер лигата.

„Среќен сум што се враќам во Премиер лигата, ова е одлична можност за мене" - изјави Солскјер.

Се појавија гласини дека Сер Алекс Фергусон му рекол на Солскјер да ја одбие соработката со газдата на Кардиф, Винсент Тан кој има проблеми со фановите поради неговиот диктаторски начин на управување со клубот, но Норвежанецот го демантира тоа.

„Фергусон ми посака се најдобро и ми даде некои добри совети како што и секогаш прави. Имав добра конверзација со него. Апсолутно нема вистина во пишувањата".

Солскјер помина 14 години како фудбалер на Манчестер Јунајтед, потоа стана тренер на Молде на кој му донесе две титули по ред во норвешкото првенство.