Англија | ’Топџиите’ победнички ја започнаа новата година и го задржаа лидерското место на табелата во Премиер лигата по триумфот од 2-0 над Кардиф...



Арсенал пред своите фанови се изнамачи во дуелот со Кардиф, но избраниците на Арсен Венгер успеаа да го скршат отпорот на гостите во завршните мигови и да прокнижат три бода.
 
Бендтнер го отвори резултатот во 88. минута, напаѓачот одлично се снајде откако голманот на Кардиф го одбрани ударот со глава на Сања, и ја смести топката во мрежата на гостите.
 
Во втората минута од судиското надополнување, Волкот со убав лоб ги постави конечните 2-0.
 
Манчестер Сити ја продолжи победничката низа и на гостувањето кај Свонси, ’Граѓаните’ славеа со 3-2.
 
Фернандињо го отвори резултатот со прецизен удар од врвот на шеснаесетникот во 14. минута, но домаќините изедначија во финишот на првиот дел преку Бони.
 
Сепак, со головите на Јаја Туре и Коларов, ’Граѓаните’ си обезбедија комфорна предност од 3-1, за во финишот од средбата Бони само да го ублажи поразот и да ги постави конечните 3-2.
 
Челзи го одржа чекорот со водечките екипи на табелата, ’Сините’ забележа победа од 3-0 на гостувањето кај Саутемптон.
 
Торес го донесе тимот од Стемфорд Бриџ во водство по еден час игра, а потоа следуваа головите на Вилиан и Оскар за сигурна победа и нови три бода.

Извор: 24FUDBAL.com.mk