Англија | Арсен Венгер негира дека ’Топџиите’ во јануари ќе направат нови напори за ангажман на Јохан Кабај од Њукасл...



Арсенал се обиде да го ангажира репрезентативецот на ’Триколорите’ во летниот преоден рок, но Њукасл не сакаше да го продаде фудбалерот од средниот ред и ја одби понудата вредна околу 10 милиони фунти.
 
Медиумите од ’Островото’ шпекулираат дека ’Топџиите’ ќе го обноват интересот за Јохан Кабај во јануари, но Арсен Венгер ги демантира ваквите стории.
 
Менаџерот на Арсенал вели дека тие во моментов не се во потрага на фудбалер од средниот ред.
 
По вчерашниот дуел на Сент Џејмс Парк, во кој Арсенал забележа победа од 1-0, Венгер рече: „Што се однесува до Јохан Кабај, не се обидуваме да ангажираме фудбалер од средниот ред”.
 
„Игравме без Месут Озил и Арон Ремзи, а имавме тројца добри фудбалери од средниот ред, плус Микел Артета беше на клупата за резерви”.
 
„Задоволен сум од изборот што го имам во средниот ред”.

Извор: 24FUDBAL.com.mk