МЕНИ

Англија | Менаџерот на Манчестер Сити, Мануел Пелегрини вели дека нема шанси Един Џеко да биде продаден во зимскиот преоден рок...

Серхио Агуеро и Алваро Негредо се прв избор за нападот на ’Граѓаните’, па Един Џеко има ограничена минутажа.

Се говори дека репрезентативецот на БиХ не е задоволен од ваквата ситуација и можно е да замине од Етихад Стадионот во јануари.

Неколку клубови од Серија А пројавуваат интерес за неговите услуги, но Мануел Пелегрини вели дека нема шанси Един Џеко да биде продаден во зимскиот преоден рок.

„Никогаш не постоеа шанси за Џеко да замине во јануари” – рече менаџерот на ’Граѓаните’.

„Тој е важен дел од нашиот тим. Доколку го погледнете последниот месец, ќе видите дека одигра на голем број натпревари во декември”.

„Јасно е дека секој фудбалер сака да игра на секој натпревар, но со оглед на големиот број на натпревари што ги имаме, невозможно е тоа да се случи”.

„Мислам дека тој е среќен тука. Џеко е квалитетен фудбалер па секако дека постои интерес за неговите услуги, но нема да биде продаден”.

Медиумите исто така шпекулираат дека Џек Родвел би можел да замине на позајмица, неговиот поранешен клуб Евертон се посочува како фаворит, но Мануел Пелегрини ја отфрла ваквата можност.

„Не сакам да загубам ниту еден играч во овој момент, потребни ми се сите фудбалер”.